គ្រប់ម្តាយទាំងអស់ តែងសង្ឃឹមថានឹងទទួលបានកូនមួយមានសុខភាពល្អក្រោយការសម្រាល។ ប៉ុន្តែការសម្រាលទារកតែងប្រឈមមុខនឹងបញ្ហាមួយចំនួន ដែលអាចប៉ះពាល់ធ្ងន់ធ្ងរដល់សុខភាព។ បញ្ហាមួយគួរឱ្យចាប់អារម្មណ៍គឺត្រង់ការឈ្លក់ទឹកភ្លោះមានលាមកព្រៃ ដែលបង្កផលប៉ះពាល់ធ្ងន់ធ្ងរដល់ទារក។ ផលលំបាកនោះ គឺកើតចេញពីការឈ្លក់ ដែលធ្វើឱ្យទារកអាចលេបទឹកភ្លោះមានលាមកព្រៃអំឡុងពេលមុនសម្រាល អំឡុងពេលសម្រាល ឬអំឡុងពេលកំពុងសម្រាល។
១)អ្វីទៅជាការឈ្លក់ទឹកភ្លោះមានលាមកព្រៃ ហើយវាបង្កផលវិបាកអ្វីខ្លះ?
ជាការលេបទឹកភ្លោះមានលាមកព្រៃចូលក្នុងផ្លូវដង្ហើមរបស់ទារកមុនពេលសម្រាល អំឡុងពេលសម្រាល ឬអំឡុងពេលកំពុងសម្រាល ដែលអាចបង្កផលវិបាកឱ្យទារកស្ទះផ្លូវដង្ហើម រលាកផ្លូវដង្ហើម និងលំបាកដកដង្ហើម។
២)កត្តាអ្វីខ្លះដែលធ្វើឱ្យទឹកភ្លោះមានលាមកព្រៃ?
មូលហេតុដែលធ្វើឱ្យទឹកភ្លោះទៅជាលាមកព្រៃមាន៖
- កង្វះអុកស៊ីសែនក្នុងឈាមទារក(ទារកខ្សោយ)
- ការសម្រាលមានរយៈពេលយូរ
- ទារកមានអាយុលើសខែ (លើសពី ៤១សប្តាហ៍)
- ម្តាយមានជំងឺទឹកនោមផ្អែម ជំងឺលើសឈាម ជំងឺបេះដូង ជំងឺសរសៃឈាម វិបត្តិផ្លូវដង្ហើម និងមានទម្លាប់ជក់បារីច្រើន
- វិបត្តិការលូតលាស់ក្នុងផ្ទៃម្តាយ។
- ទឹកភ្លោះមានល្បាយលាមកព្រៃ ឬមានពណ៌បៃតង ឬទឹកភ្លោះមានពណ៌ខុសធម្មតា
- ទារកកើតមកមានពណ៌សម្បុរស្វាយ
- មានវិបត្តិផ្លូវដង្ហើមដូចជា ដកដង្ហើមញាប់ខុសធម្មតា លំបាកដកដង្ហើម ឬមិនដកដង្ហើម
- ចង្វាក់បេះដូងរបស់ទារកដើរយឺតមុនពេលកើត
- ពិន្ទុនាទីមាសទាប(ពិន្ទុអាប់ហ្គារ ជាពិន្ទុវាយតម្លៃទារកទើបកើត)
- ទារកមានអាយុលើសខែ (លើសពី ៤១សប្តាហ៍)
៤)តើត្រូវព្យាបាលការឈ្លក់ទឹកភ្លោះមានលាមកព្រៃយ៉ាងដូចម្តេច?
ការព្យាបាលការឈ្លក់ទឹកភ្លោះមានលាមកព្រៃ មានច្រើនសណ្ឋានទៅតាមកម្រិតធ្ងន់ធ្ងរនៃការលេបទឹកភ្លោះមានលាមកព្រៃនោះ។ ជាទូទៅ គ្រូពេទ្យជំនាញធ្វើការព្យាបាលដោយដាក់ទារកឲ្យសម្រាកនៅផ្នែកសង្រ្គោះបន្ទាន់ដោយ៖
- ផ្តល់អុកស៊ីសែន
- ផ្តល់ថ្នាំផ្សះ ដើម្បីព្យាបាលការឆ្លងរោគ
- ផ្តល់ Surfactant (ថ្នាំជំនួយសូត)
- ផ្តល់ Nitric Oxide
- ក្នុងករណីធ្ងន់ធ្ងរ ត្រូវប្រើម៉ាស៊ីនជំនួយផ្លូវដង្ហើមលើទារក។
«ក្រុមគ្រូពេទ្យជំនាញសង្គ្រោះទារក នៃមន្ទីរពេទ្យកាល់ម៉ែត ត្រៀមទទួលលោក លោកស្រីមាតា បិតា ដើម្បីផ្តល់ជូនពត៌មានលំអិតអំពីស្ថានភាពសុខភាពបុត្រធីតាលោកអ្នក។»
ប្រភព៖ facebook page Hospital Calmette

