ភាពចុះខ្សោយនៃទារកក្នុងផ្ទៃ ជាស្ថានភាព ដែលការលូតលាស់នៃទារកជួបឧបសគ្គ។ ជាទូទៅមានសភាពធ្ងន់ធ្ងរ ដែលពេលខ្លះស្រួចស្រាវ ឬ រ៉ាំរ៉ៃ ដែលត្រូវការការព្យាបាលជាបន្ទាន់។ ភាពចុះខ្សោយនៃទារកក្នុងផ្ទៃ មាន ២ សំខាន់៖

  • ភាពចុះខ្សោយរ៉ាំរ៉ៃ
    • កើតឡើងពេលមានផ្ទៃពោះ
    • រកឃើញដោយអេកូសាស្រ្ត
  • ភាពចុះខ្សោយស្រួចស្រាវ:
    • កើតមានក្នុងពេលសំរាល
    • កើតមានពេលដែលទារកខ្វះអុកស៊ីហ្សែនធ្ងន់ធ្ងរ

ក) ការសង្ស័យ ពេលទារកចុះខ្សោយ

  • ករណីភាពចុះខ្សោយរ៉ាំរ៉ៃ:
    • សញ្ញាអាយុជីវិតរបស់ទារកមិនល្អគ្រប់គ្រាន់
    • ការលូតលាស់មិនគ្រប់គ្រាន់ឬមានវត្តមាននៃកង្វះទឹកភ្លោះ តាមរយៈអេកូសាស្រ្ត
    • មានភាពមិនប្រក្រតីនៃសរសៃឈាមនិងទារកក្នុងផ្ទៃ តាមរយៈ Doppler។
  • ភាពចុះខ្សោយស្រួចស្រាវ នៅពេលឈឺពោះសម្រាល:
    • មានការប្រែប្រួលចង្វាក់បេះដូងទារក
    • មានការចេញលាមកព្រៃក្នុងទឹកភ្លោះ
    • កំរិតអុកស៊ីហ្សែនក្នុងឈាមរបស់ទារកចុះទាប (Acidose métabolique)
  • ភាពចុះខ្សោយស្រួចស្រាវ បន្ទាប់ពីពេលកើត:
    • ភាពចុះខ្សោយនៃពហុសរីរៈ (ថ្លើម តំរង់នោម)
    • ភាពចុះខ្សោយនៃខួរក្បាល

ខ) មូលហេតុនៃភាពចុះខ្សោយ

  • ជំងឺរបស់ម្តាយ (ឧ. លើសឈាម…)
  • ភាពមិនធម្មតានៃការកន្រ្តាក់ស្បូន (ឧ. ឈាមកកក្រោយសុក…)
  • បណ្តាលមកពីសុក ឬទងសុក (ឧ. សុកពាំងបាំងមុខស្បូន, ទងសុករុំកូន…)
  • បណ្តាលមកពីទារក (ឧ. ទារកប្រឈមនឹងការឆ្លងមេរោគ…)

គ) ការធ្វើរោគវិនិច្ឆ័យនៃភាពចុះខ្សោយ

  • ការមានលាមកព្រៃរបស់ទារកនៅក្នុងទឹកភ្លោះ
  • ការថយចុះនៃសំលេងចង្វាក់បេះដូង
  • កម្រិត pH < 7,5 (ឈាមដែលបូមចេញពីសរសៃឈាមនៃទងសុកទារក)

ឃ) ការវិវត្តន៍នៃភាពចុះខ្សោយ

  • ការវិបត្តិធំសំខាន់ជាងគេ គឺប៉ះពាល់ទៅលើប្រព័ន្ធប្រសាទរបស់ទារក
  • ការវិវត្តិន៍មាន ៣ដំណាក់កាល:
    • ដំណាក់កាលទី១ ដែលវិវត្តិនៃភាពខ្សោយរបស់ទារកនឹងបាត់ក្នុងរយៈពេល ២៤ម៉ោង ទៅ ៤៨ម៉ោង។ ដំណាក់កាលនេះមិនប៉ះពាល់ដល់ខួរក្បាលទារកទេ។
    • ដំណាក់កាលទី២: វិបត្តិនៃបញ្ហាភាពខ្សោយរបស់ទារកនឹងបាត់ក្នុងរយៈពេល ១សប្តាហ៍។ ទារកអាចប៉ះពាល់ដល់ខួរក្បាលក្នុងកម្រិតតិច។
    • ដំណាក់កាលទី៣: ដែលវាមានលក្ខណៈធ្ងន់ធ្ងរជាមួយអត្រាស្លាប់ខ្ពស់។

ដូច្នេះយើងត្រូវតាមដានពេលមានផ្ទៃពោះនិងពេលសំរាលដើម្បីធ្វើអន្តរាគមន៍ជាបន្ទាន់ពេលមានរោគសញ្ញាទាំងនេះ។

ង) ការព្យាបាល

ការព្យាបាលនៃភាពចុះខ្សោយ ត្រូវធ្វើទៅតាមមូលហេតុនិងរោគសញ្ញារបស់ទារក។

"ប្រសិនបើលោក-លោកស្រីមានចម្ងល់ ឫមានសង្ស័យលើរោគសញ្ញាដែលបង្ហាញពីភាពចុះខ្សោយរបស់ទារកដូចបានរៀបរាប់ខាងលើ សូមមេត្តាប្រញាប់មកជួបពិគ្រោះ បន្ទាន់ជាមួយក្រុមវេជ្ជបណ្ឌិតជំនាញនៅមន្ទីរពេទ្យកាល់ម៉ែត ដើម្បីការពារអាយុជីវិតទារកលោក លោកស្រីបានទាន់ពេលវេលា។ ការតាមដាននិងពិនិត្យផ្ទៃពោះ ការកម្រើករបស់ទារកឲ្យបានទៀងទាត់តាមដំបូន្មានរបស់គ្រូពេទ្យ គឺជាការតាមដានសុខភាពរបស់ទារក ជាពិសេសអំឡុងពេលជិតសម្រាល។"

ប្រភព៖ facebook page Hospital Calmette